【2025路由器選購指南】消委會測試邊款Wi-Fi Router最快、覆蓋最廣 ?
香港家居寬頻速度愈來愈快，光纖入屋、1000M甚至2500M寛頻已經成為標準。但如果你屋企仲用緊舊款路由器，可能浪費咗寬頻速度，仲有Wi-Fi死角問題！消委會2024年測試咗34款Wi-Fi路由器，包括網狀Wi-Fi路由器、傳統路由器、吸頂式接入點同訊號伸延器，幫你揀出最快、覆蓋最廣嘅型號。
目錄
消委會測試重點總結：邊款路由器表現最突出？
根據消委會測試結果，將2大類路由器 : 網狀Wi-Fi路由器及Wi-Fi路由器 , 將某幾款不同牌子分別按傳送速度、Wi-Fi覆蓋範圍和整體分數進行了排序，讓您一目了然。
1. 網狀Wi-Fi路由器套裝 (Mesh Wi-Fi System)
TP Link/Linksys/Netgear
Deco BE65 - BE11000 三頻 Mesh 路由器 Wifi 7 Mesh Router (支援2.5G光纖)
傳輸速度 : 5星
Wi-Fi覆蓋範圍 : 5星
整體 : 4.5星
Linksys Atlas 6 雙頻 Mesh WiFi 6 系統 (3件裝) MX2003-AH
傳輸速度 : 4.5星
Wi-Fi覆蓋範圍 : 4.5星
整體 : 4.5星
Linksys Velop Mesh WiFi 6 (AX) 三頻網狀路由器 (3件裝) MX5300
傳輸速度 : 4.5星
Wi-Fi覆蓋範圍 : 4.5星
整體 : 4.5星
Netgear AX5400 WiFi Mesh系統 (RBK763S) 三頻WiFi 6 Mesh系統，5.4Gbps
傳輸速度 : 4.5星
Wi-Fi覆蓋範圍 : 4.5星
整體 : 4.5星
2.Wi-Fi路由器(單台) (Traditional Router)
ASUS 華碩/TP Link
ASUS 華碩 AX3000 WiFi 6 (802.11ax) 雙頻路由器 RT-AX57
傳輸速度 : 4星
Wi-Fi覆蓋範圍 : 4星
整體 : 4星
TP Link archer AX53 (AX3000 雙頻 Gigabit Wi-Fi 6 路由器)
傳輸速度 : 4星
Wi-Fi覆蓋範圍 : 4星
整體 : 4星
資料來源：消費者委員會 - 34款Wi-Fi路由器等設備 覆蓋、速度、耗電量大評測
【高階之選】適合大單位、追求極致性能
TP-Link Deco BE65
-
優點：傳送速度係全場最高分，使用方便程度亦係頂級，支援最新Wi-Fi 7制式
-
缺點：價錢較貴
-
適合：住複式、村屋，用緊2500M寬頻，追求極速體驗嘅用家
Netgear Orbi RBK853
-
優點：傳送速度穩定，覆蓋範圍廣，適合超大單位
-
缺點：價錢較貴
-
適合：獨立屋、3000呎以上大單位，預算充足嘅用家
【性價比之選】平靚正推介
華碩 Asus RT-AX57
-
優點：千零蚊有交易，環保程度佳，整體表現平衡
-
缺點：功能相對基本，冇咁多額外功能
-
適合：一般500-800呎單位，用緊1000M寬頻想升級Wi-Fi 6
TP-Link Archer AX53
-
優點：七百幾蚊超抵玩，覆蓋能力唔錯
-
缺點：傳輸速度算係合格，未到頂級
-
適合：預算有限，但想享受Wi-Fi 6基本功能嘅用家
【中階平衡之選】品質與價錢取平衡
Linksys Atlas 6 MX2003
-
優點：總評4星，環保表現出色，三件裝$2xxx
-
缺點：速度唔算最頂級，但絕對夠用
-
適合：1000呎左右單位，想要穩定Mesh系統又唔想太貴
Netgear RBK763S（AX5400）
-
優點：三頻設計，多裝置同時上網都流暢
-
缺點：價錢較貴，算係中高價位
-
適合：一家大細多裝置，經常同時睇片、打機嘅家庭
網狀Wi-Fi路由器 及 Wi-Fi路由器 2種Wi-Fi設備有什麼不同？
📶 網狀Wi-Fi路由器 (Mesh Wi-Fi System)
-
全屋無縫漫遊，消滅死角的智慧網絡
它就像一個「Wi-Fi連鎖店」系統，由多個節點（通常一套2或3件）組成。這些節點會互相溝通，在你的家中建立一張統一的無線網絡。無論你從客廳走到睡房，你的手機都會自動切換到最近、訊號最強的節點，整個過程流暢無感，真正做到「一個網絡名，走遍全屋」。非常適合多牆間隔、複式、村屋或大面積單位。
網狀 Wi-Fi 路由器有幾醒？三大優點話你知
-
安裝超簡單，跟住App指引就得：
只要用手機App跟住指示做，登記個雲端帳戶、set好密碼，再掃一掃路由器上面個QR Code（或者開藍牙等個App自己搵到部機），然後輸入你鍾意嘅Wi-Fi名同密碼就搞掂，新手都零難度。 -
全屋一個Wi-Fi名，行去邊都自動幫你轉訊號：
一套網狀Wi-Fi唔理你裝咗幾多隻，全屋都係用同一個Wi-Fi名（SSID）。你拎住部手機由廳行去房，系統會自動同你切換去最近、訊號最好嗰隻路由器，全程流暢唔斷線，打機睇片唔會窒。 -
想加強覆蓋？加多隻「分身」好輕鬆：
如果你覺得睡房或者書房收得未夠好，只要買多隻兼容嘅路由器，插電之後用手機App掃碼或者撳個WPS掣，幾秒間就可以將佢加入你現有網絡，即時擴大覆蓋範圍，超有彈性。
📡 Wi-Fi路由器 (傳統單台路由器)
-
經典實惠，大多數家庭的標準配置
-
這是最常見、傳統的「一機搞定」式路由器。它是一個獨立的設備，負責接收寬頻訊號並轉發成Wi-Fi。它的效能強大，接口豐富，性價比最高。缺點是若放在家中角落，另一端的房間訊號可能會大幅減弱。適合開放式或中小型單位（例如500呎以下），將路由器放在中心位置即可獲得良好效果。
升級 Wi-Fi 6E / 7？睇清楚你嘅需要同設備先！
舊時嘅 Wi-Fi 5/6 主要係用 2.4GHz 同 5GHz 呢兩個頻道，而新一代嘅 Wi-Fi 6E 同 Wi-Fi 7 就再多一個 6GHz 頻道可以用。特別係 Wi-Fi 7，唔單止頻道更闊（可以去到 320MHz），仲有更先進嘅調制技術同更大嘅傳輸容量，就算同一時間有多部裝置一齊上網，理論上都可以應付得嚟，速度同效率都會更加好。
不過，係咪真係要即刻升級呢？
其實最緊要係睇返你實際情況。如果你屋企嘅手機、電腦、平板同其他智能設備都未支援 Wi-Fi 6E/7，又或者你本身用緊嘅寬頻計劃速度唔算高，咁就算買咗最新制式嘅路由器，都未必能夠完全發揮佢嘅優勢！
消委會小貼士 : Wi-Fi 路由器安裝同使用
-
買路由器之前要睇返自己用緊咩寬頻計劃，同埋屋企有幾多部裝置要上網。
-
固定裝置用有線：好似電腦、電視呢類唔使周圍走嘅裝置，最好直接用LAN線接路由器，減輕Wi-Fi負擔之餘，速度又穩定啲。
-
擺位要好，唔使就數據機：路由器唔使一定要擺喺數據機隔離，放喺高身櫃頂、牆上面，或者屋企中間位置，效果仲好。
-
設定自動頻道避干擾：屋企Wi-Fi成日收得唔好，可能係同鄰居撞咗頻道。將頻道設定做「自動」，等路由器自己揀個最暢通嘅頻道就好穩陣。
-
輸出功率唔使開到最大：將Wi-Fi輸出較到中或低，可以慳電啲，又減少同鄰居互相干擾，仲可以減低俾人黑客入侵嘅風險。
-
加密要用WPA2/WPA3：設定Wi-Fi密碼嗰陣，要揀用WPA2或者WPA3呢類先進加密方式，同埋設定一個夠複雜嘅密碼。
-
記得更新路由器軟件：定時幫路由器更新韌體，最好開啟自動更新功能，保持系統安全同穩定。
-
大單位考慮Mesh系統：如果你住村屋、複式或者大單位，網狀Wi-Fi系統（Mesh Wi-Fi）會係好選擇，安裝容易，仲可以全屋無縫漫遊，上網體驗即刻順暢晒。
▍常見問題解答（Q&A）
Q1：我應該點樣根據屋企寬頻速度去揀路由器？
100M-300M : 一部支援 Wi-Fi 6 嘅中階路由器已經好夠用，性價比最高，唔使浪費錢買太勁。
500M 或1000M寬頻： 建議選擇 中高階 Wi-Fi 6 或 入門 Wi-Fi 6E 型號（例如 TP-Link Deco XE75 Pro），確保路由器嘅速度極限高過你嘅寬頻，先可以「去盡」唔浪費。
200M-2500M : 必須選擇支援 Wi-Fi 7 及帶有 2.5G 或以上WAN接口 嘅旗艦型號（例如 TP-Link Deco BE65），否則你部機根本食唔晒咁快嘅寬頻速度。
Q2：簽24個月定36個月合約著數啲？
A：要視乎個人情況：
-
24個月：彈性較大，適合可能搬屋或轉工嘅用戶
-
36個月：通常月費更平，平均成本較低
建議考慮未來兩三年生活安排再決定
Q3：住村屋/複式，收得好差，裝Mesh系統係咪一定要轉寬頻公司？
A： 完全唔需要！ 無論你用緊邊一間寬頻公司（例如網上行、HGC、香港寬頻等），Mesh系統都只係一個幫你將屋企原有寬頻訊號「放大」同「擴散」 嘅設備。你只需要將Mesh主機用網絡線連接到你原有嘅數據機，就可以開始設置，同寬頻公司無關。
Q4：安裝Mesh系統，係咪每層都要拉網絡線？
A： 唔使！而家大部分Mesh系統（例如 Linksys Atlas 或 Netgear Orbi）都可以透過無線回程 連接，即係子機同主機之間靠Wi-Fi溝通，只要插電就用到，非常方便。當然，如果預先有拉好網絡線（行有線回程），速度同穩定性會再上一層樓，但並非必須。
Q5：升級Wi-Fi 6/7路由器，係咪需要寬頻師傅上門安裝？
A： 通常都唔使。安裝新路由器好簡單，步驟通常係：
-
將舊路由器換落嚟。
-
將寬頻數據機條網絡線，插入新路由器嘅WAN接口（通常會特別標明顏色或「Internet」字樣）。
-
跟手機App指示設定Wi-Fi名稱同密碼。
大部分情況都可以自己搞掂，唔使額外畀錢等師傅上門。
光纖寬頻 查詢範圍包括 :
公屋,居屋,私樓,唐樓,村屋等